මෙරට ආර්ථිකය වර්ධනය වී ඇත්තේ සියයට 3.5කින් බවත් එය තමන් අපේක්ෂා කළ ආර්ථීක වර්ධන වේගයට වඩා අඩු අගයක් බවත් ශ්‍රී ලංකා මහ බැංකු අධිපති ඉන්ද්‍රජිත්  කුමාරස්වාමි මහතා පවසනවා. ඒ 2017 වර්ෂය සඳහා වන ශ්‍රී ලංකා මහ බැංකුවේ වාර්ෂික වාර්තාව එළි දැක්වීමේ අවස්ථාවට සහභාගි වෙමින්.
2017 වසරේ සියයට 5.5 කින් පමණ ආර්ථිකය වර්ධනයක් වනු ඇතැයි මුලදි පුරෝකථනය කර තිබුණද එහි සැබෑ වර්ධනය වූයේ සියයට 3 යි දශම 1ක් පමණයි.
මෙය වර්ෂ 2001 ට පසුව වාර්තා වූ අඩුම ආර්ථික වර්ධන වේගයයි. 2001 වර්ෂයේ ජූලි 24 වෙනිදා  කටුනායක ගුවන් තොටු‍පොළට එල්ටීටීඊ ත්‍රස්තවාදි ප්‍රහාර එල්ල වීමත් සමග ශ්‍රී ලංකාවට පැමිණෙන ගුවන් යානා සහ නැව් සඳහා අධිභාරයක් පැනවීමට “ලොයිඩ්” වැනි ජාත්‍යන්තර රක්ෂණ සමාගම් කටයුතු කළ අතර එහි ප්‍රතිඵලයන් වශයෙන් විදේශ වෙළෙඳාම්, සංචාරක කටයුතුවැනි අංශයන්හි දැවැන්ත කඩා වැටීමක් සිදුවුණා.
ඒ අනුව 2001 වසරේදී සෲණ 1යි දශම 4ක වර්ධනයක් වාර්තාවීම විශේෂත්වයක්.
2016 වර්ෂයේ ආර්ථීකය වර්ධනය වුණේ සියයට 4.4 කිනි. එය 2015 වර්ෂයේ ආර්ථික වර්ධන වේගය වූ සියයට 4.8ට සාපේක්ෂව අඩු වර්ධන වේගයකි. නමුත් 2014 වර්ෂයේ ආර්ථිකය සියයට 4.9 කින් වර්ධනය වූ අතර මේ වන විට එම අගය ක්‍රමයෙන් පහත යන බවයි ආර්ථික වාර්තා පෙන්වා දෙන්නේ.
ශ්‍රී ලංකාවේ ආර්ථික වර්ධන වේගය.
මූල්‍ය ශ්‍රී ලංකා මහ බැංකුව 
20795

ආසාදිතයන්

14962

සුවය ලැබූ

5743

දැනට රෝගීන්

94

මරණ

බෙදා හරින්න :