2018 අප්‍රේල් මාසය වන විට ඩෙංගු රෝගීන් 17,028 ක් දිවයින පුරා වාර්තා වී ඇති බව ජාතික ඩෙංගු මර්දන ඒකකයේ ප්‍රජා වෛද්‍ය විශේෂඥ ප්‍රශිලා සමරවීර මහත්මිය පවසනවා. ජනවාරි මාසයේ ඩෙංගු රෝගීන් 7,178ක්, පෙබරවාරි මාසයේ රෝගීන් 4,395ක් මාර්තු මාසයේ රෝගීන් 3,303ක් අප්‍රේල් මාසයේ රෝගීන් 2,152ක් යන පරිදියි ඩෙංගු රෝගීන් වාර්තාවී ඇත්තේ. එසේම ඩෙංගු රෝගය වැලදීමෙන් මේ වන විට පුද්ගලයින් 12 දෙනෙකු මියගොස් තිබෙනවා. 2018 වසරේ ජනවාරි මස වාර්තා වූ ඩෙංගු රෝගීන් සංඛ්‍යාවට වඩා අප්‍රේල් මාසය වන විට ඩෙංගු රෝගීන්ගේ සංඛ්‍යාවේ යම් අඩු වීමක් පෙන්නුම් කරන බවද ප්‍රජා වෛද්‍ය විශේෂඥ ප්‍රශිලා සමරවීර මහත්මිය කියා සිටියා.

‘මේ වෙනකොට වැඩිම ඩෙංගු රෝගීන් පිරිසක් වාර්තා වී තියෙන්නේ කොළඹ සහ මඩකලපුවේ. ඒ ප්‍රමාණය කොළඹ 2,623ක් සහ මඩකලපුවේ 2,178ක්. අඩුම ඩෙංගු රෝගීන් වාර්තා වූ මන්නාරම් දිස්ත්‍රික්කයෙන් හමු වී ඇත්තේ රෝගීන් 24කු පමණයි. ප්‍රතිශතයක් ලෙස බලද්දී ඩෙංගු රෝගීන්ගෙන් ආසන්න වශයෙන් සියයට 30.9ක් පමණ වාර්තා වූයේ බස්නාහිර පළාතෙන්. ඉදිරියේදී වර්ෂාව දිගින් දිගටම ලැබුණොත් මේ තත්ත්වය වැඩි වෙන්න පුළුවන් නිසා ජනතාව මේ ගැන හොඳ අවබෝධයෙන් සිටිය යුතුයි.’

20795

ආසාදිතයන්

14962

සුවය ලැබූ

5743

දැනට රෝගීන්

90

මරණ

බෙදා හරින්න :