කැරොලයින් ජූරිට එරෙහි චෝදනා ඔප්පු වුවහොත් සිර දඩුවම් අවදානමක්/ ජනාධිපති නීතිඥ යූ.ආර්. ද සිල්වා

Sri Lanka

ශ්‍රී ලංකා විවාහක රූ රැජන තේරීමේ තරගාවලියේදී කිරුළ හිමි කරගත් නිරූපණ ශිල්පිනී පුෂ්පිකා ද සිල්වා මහත්මියගෙන් කිරුළ බලහත්කාරයෙන් ඇගෙන් උදුරා ගැනීම සොරාගැනීමක් බවට චෝදනා ඔප්පු වුවහොත් එම ක්‍රියාව සිදුකළ ලෝක විවාහක රූ රැජන කැරොලයින් ජූරිට එරෙහිව වසර දහයේ සිට වසර විස්ස දක්වා සිර දඬුවම් ලබාදීමට මෙන්ම ඇගෙන් වන්දි අයකර ගැනීමට නියෝගයක් ලබාදීමට අධිකරණයට හැකියාව පවතින බව ජනාධිපති නීතිඥ යූ.ආර්. ද සිල්වා මහතා පවසනවා.

පුෂ්පිකා ද සිල්වා මහත්මියගේ හිස පැලඳී කිරුළ ඇගේ හිසෙන් ගලවා ඉවත් කර එය වෙනත් අයකුගේ හිස මත පැලඳවීමට කටයුතු කිරීම ඇයට නොතිබුණු බලයක් පෙන්වා සිදුකළ බලහත්කාරකමක් මෙන්ම සොරාගැනීමක් බවට පෙනෙන්නට තිබෙන බවයි ඔහු පවසන්නේ.

මෙම ක්‍රියාව සිදුකළ කැරොලයින් ජූරි නමැත්තියට එරෙහිව බලහත්කාරකම් පෑම, බලෙන් ලබාගැනීම, සොරාගැනීම හා තුවාල සිදුකිරීම යන චෝදනා යටතේ නඩු පැවරීමට හැකියාව ඇති බවද ඒ මහතා සදහන් කළා.

එපමණක් නොව තම සංවිධානයට කළ අපහාසයට හා සංවිධානයේ කොන්දේසි උල්ලංඝනය කරමින් ක්‍රියා කිරීම සම්බන්ධයෙන් කැරොලයින් ජූරිට එරෙහිව නඩු පැවරීමට එම රූ රැජන තරගය සංවිධානය කළ සංවිධායක මණ්ඩලයට හැකියාව ඇති බවද ඔහු පවසනවා.

එම තරගාවලියේදි කැරොලයින් ජූරී නමැත්තිය කළ ක්‍රියාව කිසිසේත්ම අනුමත කළ නොහැකි බවද පෙන්වාදෙන යූ.ආර්. ද සිල්වා මහතා මේ සම්බන්ධයෙන් අදහස් දක්වමින් වැඩිදුරටත් පවසන්නේ ඇය නීතියට පටහැනිව බලහත්කාරකමක් කර ඇති බවට පෙනෙන්නට තිබෙන බවත්, ඇය කළ මෙම නින්දා සහගත ක්‍රියාව නිසා ලෝකය හමුවේ ශ්‍රී ලංකාව අපකීර්තියට පත්වන බවයි.

පුවත යවන්න

Leave a Reply

Your email address will not be published. Required fields are marked *