ඉන්දියාවෙන් පැමිණ සැඟවී සිටි තවත් කාන්තාවක් නිරෝධායනයට

ඉන්දියාවේ චෙන්නායි හි සිට රහසිගතව මෙරටට පැමිණ සිටියදී සොයාගත් පිරිස අතරින් අතුරුදන්ව සිටි කාන්තාව මේ වන විට සොයාගෙන තිබෙනවා.

නාවික හමුදා මාධ්‍ය ප්‍රකාශක කපිතාන් ඉන්දික ද සිල්වා මහතා පවසා සිටියේ, ඊයේ (01) රාත්‍රියේ මීගමුව කොච්චිකඩේ ප්‍රදේශයේදී ඇය ව සොයාගත් බවයි.

ඒ අනුව ඇය ව නිරෝධායනයට යොමුකිරීමට අවශ්‍ය පියවර මේ වන විට ගෙන ඇතැයි ද කපිතාන් ඉන්දික ද සිල්වා මහතා සදහන් කළා.

මීට අමතරව නාවික හමුදාව විසින් වයඹදිග, උතුරුමැද සහ උතුරු යන මුහුදු ප්‍රදේශවල පාමුර සංචාර හා නාවික මුර යාත්‍රා වැඩි වශයෙන් යොදවමින් අනවසර සංක්‍රමිකයින් හෝ මත්ද්‍රව්‍ය ජාවාරම්කරුවන් මඟින් රට තුළට කොරෝනා පැමිණීම වැළැක්වීමට විශේෂ වැඩසටහනක් ක්‍රියාත්මක කර තිබෙනවා.

ඉන්දියාවේ සිට ධීවර යාත්‍රාවලින් මෙරටට පැමිණ පුත්තලම වෙප්පමඩුව ප්‍රදේශයේ නිවසක සැඟව සිටි ශ්‍රී ලාංකික සම්භවයක් සහිත කාන්තාවක් ඇගේ දරු දෙදෙනාද සමඟින් සෞඛ්‍ය අංශ විසින් ඊයේ (01) සොයාගෙන නිරෝධායනය කරනු ලැබුවා.

අදාළ කාන්තාව සමඟ ඉන්දියාවේ සිට පැමිණි තිබු අනෙක් කාන්තාව නාවික හමුදාව විසින් එලෙස සොයාගෙන තිබෙනවා.

මේ අතර ඉහත දැක්වු කාන්තාවට සහ දරු දෙදෙනාට රැකවරණය ලබාදුන් සහ ඔවුන් ඇසුරු කළ ප්‍රදේශයේ පවුල් 5ක පුද්ගලයින් 26 දෙනෙකු ද නිරෝධායනය කර තිබෙනවා.

313769

ආසාදිතයන්

280868

සුවය ලැබූ

28393

ප්‍රතිකාර ලබන

4571

මරණ

10076981

පළමු එන්නත

2254887

දෙවන එන්නත

පුවත යවන්න

Leave a Reply

Your email address will not be published. Required fields are marked *