රට ලොක්ඩවුන් කිරීම අත්‍යාවශ්‍යයි / විශේෂඥ වෛද්‍යවරුන්ගේ සංගමයේ සභාපති කියයි

පවත්නා තත්ත්වය තුල රට වහාම ලොක්ඩවුන් කිරීම කළයුතු බව විශේෂඥ වෛද්‍යවරුන්ගේ සංගමයේ සභාපති, විශේෂඥ වෛද්‍ය ලක්කුමාර් ප්‍රනාන්දු මහතා පවසනවා.

ඔහු පැවසුවේ ඊට අවශ්‍ය තීරණ ගැනීමට දේශපාලන අධිකාරියට නිසි තොරතුරු ලබාදීමට සෞඛ්‍ය බලධාරීන් අපොහොසත් වී ඇති බවයි.

“අපි පුදුම වෙලාවක් නාස්ති කළා හැමෝම මේක සමාජයේ පැතිරිලා නෑ කියන්න. මම ඉතාම පැහැදිලිවම කියනවා අනිවාර්යයෙන් ම සමාජ ව්‍යාප්තියක් තිබෙනවාමයි. සමහර වෙලාවට ලෙඩෙකුට ප්‍රතිකාර කිරීමේ දී යම් වැඩ කොටසක් කළ හැකියි. මේකෙ දි අපි කරපු වැරදි ටිකක් තිබුණා පිට පිට. අපි හරි කියන දේ මිනිස්සු ගාණකගේ ජීවිත ගානක් බිලිදෙන්න තරම් වටින දෙයක් නෙමෙයි. දැන් විශාල ලෙස සමාජ ව්‍යාප්තියක් තිබෙනවා. මේකට ලෝක සෞඛ්‍ය සංවිධානයේ මොනා හරි දෙයක් අරගෙන ඒක පෙන්නන්න පුළුවන් අපි අපිවම රවට්ටා ගැනීමක්. අනිත් අයව රවට්ටනවා ඒක පටන් ගන්නේ තමන්ව රවට්ටගෙන.“

“ඉතාම පැහැදිලිව ම ග්‍රාම නිලධාරී මට්ටමින් කරන හුදකලා කිරීම් මේ අවස්ථාවට ප්‍රමාණවත් නෑ. තාම අපි ටැප් එක ඇරලා තියෙන වෙලාවක දුවලා ගිහින් ටැප් එක වහන්නේ නැතුව වතුර මොබ් කරලා අඩු කරන්න බෑ. ඒ නිසා අවම වශයෙන් දිස්ත්‍රික්ක වශයෙන් ලොක්ඩවුන් එකක් කරන්න ඕනේ. ඒ තත්ත්වය යටතේ දිස්ත්‍රික්ක අතර සංචරණය සම්පුර්ණයෙන් ම නවත්තන්න. මම දකින දේ තමයි මගේ සහෝදර අය ගොඩාක් දෙනෙක් අපි ලොක්ඩවුන් එකක් කළ යුතුයි කියලා හිතනවා. නමුත් ඒක කියන්න ආසා නෑ. මේක හොඳ නැති වචනයක් කියලා. වෘත්තිකයන් දේශපාලන අධිකාරිය වැරදි විදියට තේරුම් ගැනීම කියලා මම හිතන්නේ. දේශාපාලන අධිකාරියට ඒක පැහැදිලිව ගිහින් කියන්න ඕනේ. මට සමහරු කියනවා සමහර රැස්වීම්වලට ගියාම සෞඛ්‍ය අංශයේ අය කටවත් අරින්නේ නෑ කියලා. ඒ අය කියන්නේ නැතිනම් කොහොම ද දේශපාලන අධිකාරිය තීරණය ගන්නේ. සෞඛ්‍ය අංශයේ ඉහළ අය මේකට අවස්ථාව ලැබුණ අය මඟ ඇරලා තියෙනවා. ලොක්ඩවුන් කියන වචනය තහනම් වචනයක් ලෙස භාවිත කිරීමේ ප්‍රතිඵලක් හැටියට අපි ආර්ථිකයට අවම බලපෑමක් කරන විදිය සැලසුම් කිරීම පැහැර හැරලා තියෙන්නේ.“

313769

ආසාදිතයන්

280868

සුවය ලැබූ

28393

ප්‍රතිකාර ලබන

4571

මරණ

10076981

පළමු එන්නත

2254887

දෙවන එන්නත

පුවත යවන්න

Leave a Reply

Your email address will not be published. Required fields are marked *