විදෙස්

ආගම නිසා බොලිවුඩය එපා කී නිළියට විවේචන

ආගම නිසා බොලිවුඩය එපා කී නිළියට විවේචන

සිය ආගමට නිගරුවක් වන බව පවසමින් බොලිවුඩ් සිනමාවෙන් ඉවත්වීමට රංගන ශිල්පිනියකවන සයිරා වසීම් ගත් තීරණය පිළිබද ඉන්දියාවේ ප්‍රකට රංගන ශිල්පිනියක වන රවීනා තන්ඩන් විවේචනයක් සිදුකර තිඛෙනවා. ඩන්ගල් හා සීක්‍රට් සුපර්ස්ටාර් සිනමාපටවල රගපාමින් ජනප්‍රියවූ සයිරා වසීම් පසුගියදා ප්‍රකාශ කළේ තමන් අදහන ඉස්ලාම් දහම හේතුවෙන් බොලිවුඩ් සිනමාව තමන්ට නොගැලපෙන බැවින් ඉන් ඉවත්වන බවයි. ඊට ප්‍රතිචාර දක්වමින් රවීනා තණ්ඩන් පවසන්නේ බොලිවුඩ් සිනමා කර්මාන්තය තුල ආගම් භේදයක් නොමැති බවයි. ඒ හරහා බොහෝ දේ ළගා කරගත් නවක නිළියක් බොලිවුඩ් සිනමාව කාන්තාවකට නොගැලපෙන ස්ථානයක් ලෙස අදහස් දැක්වීම පිළිබද තමන් එකග නොවන බවයි ඇය පවසන්නේ. ඒ අනුව නික්මීමට අවශ්‍යනම් එය ගැටළුවක් නොවුණද තමන්ට ලබාදුන් දේ වෙනුවෙන් බොලිවුඩයට කෘතවේදීව නික්ම යන ලෙසයි ඇය ඉල්ලා ඇත්තේ.
ට්‍රම්ප් උතුරු කොරියාවට පය තියයි

ට්‍රම්ප් උතුරු කොරියාවට පය තියයි

අමරිකානු ජනාධිපති ඩොනල්ඩ් ට්‍රම්ප් උතුරු හා දකුණු කොරියා යුධ මුක්ත කලාපය හරහා උතුරු කොරියාවට පැමිණි පලමු අමෙරිකානු ජනාධිපතිවරයා බවට පත්ව තිඛෙනවා. ඒ සාම කලාපයේදී උතුරු කොරියානු නායක කිම් ජොන් අන් හමුවීමෙන් පසු ඔහුගේ ඇරයුමක් මත ට්‍රම්ප් මහතා උතුරු කොරියානු භූමියට පා තැබීම හේතුවෙන්. එම හමුවෙන් අනතුරුව උතුරු කොරියානු නායකයා දේශසීමාව හරහා දකුණු කොරියානු භුමියට පැමිණි අතර එහිදී ඔහු පිළිගැනීමට දකුණු කොරියානු ජනාධිපති මූන් ජේ ඉන් එක්වුණා. අමෙරිකානු ජනාධිපතිවරයා දකුණු කොරියාවට පැමිණියේ ජපානයේ ඔසාකා නුවර පැවති ජී – 20 සමුළුව අවසන් කරමිනුයි. උතුරු කොරියානු නායකයා හමුවීමෙන් අනතුරුව ධවල මන්දිරයේ සංචාරය කරන ලෙස අමෙරිකානු ජනාධිපතිවරයා උතුරු කොරියානු නායකයාට ආරාධනා කර තිඛෙනවා.
ඉරානයෙන් දිගටම තෙල් ගන්නවා / චීනයෙන් අමෙරිකාවට ප්‍රතිචාර

ඉරානයෙන් දිගටම තෙල් ගන්නවා / චීනයෙන් අමෙරිකාවට ප්‍රතිචාර

සම්බාධක නොතකා ඉරානයෙන් ඉන්ධන ලබාගන්නා ඔ්නෑම රටකට එරෙහිව සම්බාධක පනවන බවට අමෙරිකාව සිදුකළ තර්ජනයට චීනය ප්‍රතිචාර දක්වා තිඛෙනවා. ඒ අනුව අඛණ්ඩව ඉරාන ඉන්ධන මිලදී ගන්නා බවයි චීනය අවධාරණය කරන්නේ. චිනයේ ඉන්ධන අවශ්‍යතාව ඉතා වැදගත් වන බැවින් මෙම ගණුදෙනු අඛණ්ඩව සිදුකරන බව චීනය දැක්වූ ප්‍රතිචාරයේ සදහන්. මේ හරහා චීනය හා අමෙරිකාව අතර අර්බුධයක් නිර්මාණය වනු ඇති බවටයි ජාත්‍යන්තර මාධ්‍ය වාර්තා කරන්නේ.
ඉතියෝපියා හමුදාවේ මාණ්ඩලික ප්‍රධානී ඝාතනය කෙරේ

ඉතියෝපියා හමුදාවේ මාණ්ඩලික ප්‍රධානී ඝාතනය කෙරේ

ඉතියෝපියා හමුදාවේ මාණ්ඩලික ප්‍රධානී ජෙනරාල් සියරේ  මෙකොන්නෙන් වෙඩි තබා ඝාතනය කර ඇතැයි ජාත්‍යන්තර මාධ්‍ය වාර්තා කරනවා. ඔහුගේ ආරක්ෂක භටයකු මෙම වෙඩි තැබීම සිදු කර ඇති බවයි දැනට කෙරී ඇති පරීක්ෂණ අනුව අනාවරණය වී ඇත්තේ. ඔහු සමග තවත් නිලධාරියකුද ජීවිතක්ෂයට පත් වුණා. ඉතියෝපියාවේ අම්හාරා ප්‍රාන්ත  රජයට එරෙහිව ක්‍රියාත්මක වීමට ගිය කුමන්ත්‍රණයක් වැළැක්වීමට යාමේදීයී මෙම ප්‍රහාරය එල්ල වී ඇත්තේ. පසුගිය වසර කිහිපය මුළුල්ලේ අම්හාරා ප්‍රාන්තයේ ජනවාර්ගික ගැටුම් ඇවිලෙමින් තිබුණා. ඇමෙරිකා  රාජ්‍ය දෙපාර්තමේන්තුවද නිවේදනයක් නිකුත් කරමින් සඳහන් කර ඇත්තේ ඉතියෝපියාවේ සිය කාර්ය මණ්ඩලයට තානාපති කාර්යාල පරිශ්‍රයෙන් පිටත්ව නොයන ලෙසයි.
නීති විරෝධී සංක්‍රමණිකයින් එළවනවා / ට්‍රම්ප් කියයි

නීති විරෝධී සංක්‍රමණිකයින් එළවනවා / ට්‍රම්ප් කියයි

නීති විරෝධීව ඇමෙරිකාවට පැමිණි සංක්‍රමණිකයින් ඉවත් කිරීමට පියවර ගන්නා බව ඇමෙරිකා ජනාධිපති ඩොනල් ට්‍රම්ප් පවසනවා. එළඹෙන සතියේදී එකම කටයුතු සිදු කරන බවයි  ඇමෙරිකා ජනාධිපතිවරයා පවසන්නේ. මෙක්සිකොවෙන් සහ මධ්‍යම ඇමෙරිකාවෙන් නීති විරෝධී සංක්‍රමනිකයන් ලෙස  පැමිණි මිලියන 12 කට වැඩි පිරිසක්  ඇමෙරිකාවේ ජීවත් වනවා. ඇමෙරිකාව සහ මෙක්සිකෝව අතර ඇති වූ එකගතාවයත් මත ඇමෙරිකාවේ දේශපාල න රැකවරණය බලාපොරොත්තුවෙන් සිටින සංක්‍රමණියින්ගේ නඩු විභාගයට ගන්නා තුරු ඔවුන් රඳවා තැබීමට මෙක්සිකෝව කැමැත්ත පල කර තිබෙනවා. ඇමෙරිකා ජනාධිපතිවරයා පවසන්නේ ඇමෙරිකාවේ සිටින සියලුම නීතිවිරෝධී සංක්‍රමණිකයින් එළඹෙන සතියේදී ඉවත් කිරීමට පියවර ගන්නා බවයි.
තෙල් නැව්වලට පහරදීම ගැන වීඩියෝවක් නිකුත් වෙයි

තෙල් නැව්වලට පහරදීම ගැන වීඩියෝවක් නිකුත් වෙයි

ගල්ෆ් මුහුදේදී ඉන්ධන නෞකා 2කට පහරදීම සම්බන්ධ සිදුවීම සම්බන්ධයෙන් තවදුරටත් ඉරානයට දැඩිව චෝදනා එල්ලවනවා. ඒ අතරතුර ප්‍රහාරයෙන් පසු ජපාන නෞකාව අසළට ලගාවූ සැක සහිත යාත්‍රාවක් පිළිබද වීඩියෝ දසුන් මේ වන විට අමෙරිකාව විසින් අනාවරණ කර තිඛෙනවා. මේ ඒ පිළිබද සම්පූර්ණ පුවතයි.   
වායු සුළි කුණාටුවෙන් ඉන්දියාවට බලපෑම්

වායු සුළි කුණාටුවෙන් ඉන්දියාවට බලපෑම්

ඉන්දියාවේ ගුජරාට් ප්‍රාන්තයට අද පස්වරුවේ ඇතුළුවීමට නියමිත "වායු" සූලිකුණාටුවෙන් ප්‍රබල බලපෑම් එල්ල විය හැකි බව එරට කාලගුණ අංශ සදහන් කරනවා. පැයට කිලෝමිටර 155ත් 156 අතර වේගයකින් මෙම සුළි කුණාටුව හමා යන බවයි වාර්තාවන්නේ.මේ වන විටත් ඉන්දියාවේ දුම්රිය ගමන්වාර 70ක් අවලංගු කර තිබෙනවා. ඉදිරි පැය 24 තුළ දැඩි අවධානායෙන් පසුවන ලෙසද එරට කාලගුණ අංශ ජනතාවට අනතුරු අඟවනවා.  ලක්ෂ තුනක පමණ පිරිසක් ආරක්ෂක ස්ථාන කරා යොමු කිරීමට ඉන්දීය බලධාරීන් කටයුතු කර ඇති බවද එම වාර්තාවල සදහන්.
මහල් 54ක ගොඩැගිල්ලකට හෙලිකොප්ටරයක් කඩා වැටෙයි

මහල් 54ක ගොඩැගිල්ලකට හෙලිකොප්ටරයක් කඩා වැටෙයි

අමෙරිකාවේ මහල් 54ක ගොඩනැගිල්ලක් මතට හෙලිකොප්ටරයක් කඩාවැටීමෙන් එහි නියමුවා මියගොස් තිඛෙනවා. ප්‍රංශ පුවත් සේවය වාර්තා කළේ අනතුරින් පසු ගොඩනැගිල්ලේ ගින්නක්ද හටගත් බවයි. ඒ අනුව වහාම එහි පදිංචිකරුවන් ආරක්ෂිතව ඉවත් කිරීමට පියවර ගෙන තිබුණා. අනතුරට හේතුව අයහපත් කාලගුණය බවයි වාර්තාවන්නේ. සිද්ධිය සම්බන්ධයෙන් විමර්ෂණ ක්‍රියාත්මකයි.
ඉන්දියාව කුණාටුවකට සැරසෙයි

ඉන්දියාව කුණාටුවකට සැරසෙයි

වෙරළ ආරක්ෂක භටයන් සීරුවෙන් තැබීමට ඉන්දියාව තීරණය කර තිඛෙනවා. ඒ ඉන්දියාවේ වෙරළාසන්න ප්‍රදේශ රැසකට චණ්ඩ මාරුතයකින් බලපෑම් එල්ලවීමේ අවධානම සමගයි. ඒ අනුව ගුජරාට් ඇතුළු ප‍්‍රදේශ රැසක නාවිකයන්ට හා ධීවරයන්ට ද අනතුරු ඇඟවීම් සිදු කර ඇති අතර නාවික යාත‍්‍රා සහ ගුවන් යානා ස්ථාන ගතකිරීමට ආරක්ෂක අංශ පියවර ගෙන ඇති බවයි ඉන්දී්‍ය මාධ්‍ය වාර්තා කරන්නේ. ගුජරාට් ආසන්න වරායන් නවතා ඇති යාත‍්‍රාවල ආරක්ෂාව සම්බන්ධයෙන් ද විශේෂ අවධානය යොමු කර තිඛෙනවා.
ටෝකියේ නුවරදී ප්‍රහාරයක් / පාසල් සිසුවියක් මියගොස් 17කට තුවාල

ටෝකියේ නුවරදී ප්‍රහාරයක් / පාසල් සිසුවියක් මියගොස් 17කට තුවාල

ජපානයේ ටෝකියේ අගනුවර බස්නැවතුම් පලකදී පුද්ගලයකු විසින් එල්ල තියුණු ආයුධ ප්‍රහාරයකින් එක් අයකු මියගොස් 17 දෙනකු තුවාල ලබා තිඛෙනවා. ජපානයේ එන් එච් කේ රූපවාහිනිය වාර්තා කළේ සිද්ධියෙන් මියගොස් ඇත්තේ 15 හැවිරිදි පාසල් සිසුවියක් බවයි. සිද්ධියෙන් තුවාල ලැබූවන්ගෙන් 16 දෙනකුම පාසල් සිසුන් වනවා. ප්‍රහාරකයාද තියුණු ආයුධයකින් ඇණගෙන සිය දිවි නසා ගැනීමට තැත් කර ඇති බවයි වාර්තාවන්නේ. ඔහු යම් ත්‍රස්ත කණ්ඩායමකට සම්බන්ධ අයකුදැයි මෙතෙක් අනාවරණවී නැහැ.
පවුලේ ජන්ද 9යි / මට ජන්ද 5යි /අපේක්ෂකයා හඩා වැටෙයි

පවුලේ ජන්ද 9යි / මට ජන්ද 5යි /අපේක්ෂකයා හඩා වැටෙයි

ඉන්දීය මහ මැතිවරණයෙන් ජන්ද 5ක් පමණක් හිමිකරගත් අපේක්ෂකයකු දැඩි කම්පනයකට පත්ව සිටින බව ඉන්දීය මාධ්‍ය වාර්තා කර තිඛෙනවා. ඔහු නීතු ෂතරන් වාලා නැමැත්තකු වන අතර පන්ජාබ් ප්‍රාන්තයෙන් ඔහු තරග වැද තිබුණේ ස්වාධීන අපේක්ෂකයකු ලෙසයි. මැතිවරණයෙන් පසු මාධ්‍ය හමුවේ හඩා වැටෙමින් මෙම අපේක්ෂකයා කියා සිටියේ තමන් ශෝකවීමට හේතුව ජන්ද 5ක් පමණක් ලැබීම පමණක් නොව සිය පවුලේ ජන්ද දායකයින් 9 දෙනකුම සිටීම බවයි. ඒ අතරින් පිරිසක් තමන් අතහැර සොරුන්ට ජන්දය ලබාදී ඇති බවත් මෙම අපේක්ෂකයා චෝදනා කරනවා. ඉදිරියේදී යළි කිසිදා මැතිවරණයකට තරග නොකරන බවයි ඔහු පවසන්නේ. කෙසේ වෙතත් නීතු ෂතරන් වාලා ජන්ද 5ක් ලබාගෙන එය කම්පනයට පත්වීමට හේතුවක් බවට පත්ව තිබුණද මෙරට ඇතැම් මැතිවරණවලදී බොහෝ ස්වාධීන කණ්ඩායම්වලට එක් ජන්දයක් හෝ හිමි නොවන බව ප්‍රකට කරුණක් වනවා.
බ්‍රිතාන්‍යය අගමැතිනියට ධූරය එපාවෙයි

බ්‍රිතාන්‍යය අගමැතිනියට ධූරය එපාවෙයි

බ්‍රිතාන්‍ය අග්‍රාමාත්‍ය තෙරේසා මේ ජුනි මස 07 වෙනිදා සිය ධුරයෙන් ඉල්ලා අස්වීමට තීරණය කර තිඛෙනවා. අද මාධ්‍ය හමුවක් කැදවමින් ඇය මෙම තීරණය දැනුම්දුන්නා. බ්‍රෙක්සිට් සැලසුම 3 වරක් පරාජයට පත්වීමෙන් පසුවයි ඇය මෙම තීරණය ගෙන ඇත්තේ. ඒ අනුව කන්සර්වේටිව පක්ෂයට නව නායකත්වයක් තෝරා ගැනීමට නියමිත අතර ඔහු හෝ ඇය බ්‍රිතාන්‍ය අගමැති ධූරයට පත්වීමට නියමිතයි. තෙරේසා මේ බ්‍රිතාන්‍යයේ දෙවන අගමැතිනිය ලෙසයි ඉතිහාසයට එක්වනු ලබන්නේ.
ඉන්දුනීසියාව නොසන්සුන් / ගැටුම් ඇවිලේ /ෆේස් බුක් සීමා කරයි

ඉන්දුනීසියාව නොසන්සුන් / ගැටුම් ඇවිලේ /ෆේස් බුක් සීමා කරයි

ඉන්දුනීසියා ජනාධිපතිවරණ ප්‍රතිඵල ප්‍රකාශයට පත් කිරීමෙන් පසු එරට විපක්ෂයේ ආධාරකරුවන් කලහකාරී ලෙස හැසිරෙන බව වාර්තා වනවා. ඉන්දුනීසියානු ජනාධිපතිවරණයේ ප්‍රතිඵල අනුව ජනාධිපති ජොකෝ විදෝදෝ ජයග්‍රහණය කළ අතර විපක්ෂයේ ආධාරකරුවන් පවසන්නේ එම ප්‍රතිඵල පිළි නොගන්නා බවයි. විපක්ෂයේ ආධාරකරුවන් මාර්ගයේ නවතා තිබූ රථවාහනවලට ගිනි තබමින් කඩ සාප්පුවලට අලාභහානි කරමින් කලහකාරී ලෙස හැසිර ඇති අතර ඔවුන් පාලනයට පොලිසිය කදුළු ගෑස් ප්‍රහාර එල්ල කර තිබුණා. මෙම විරෝධතා සදහා ඉන්දුනීසියාවේ ජකර්තා නුවරට දහසකට වැඩි විරෝධතාකරුවන් එක්ව සිටි බවයි වාර්තා වන්නේ. ඒ අතරින් 60 දෙනකු පොලිස් අත්අඩංගුවට ගෙන තිඛෙනවා. පවත්නා තත්ත්වය තුල ව්‍යාජ පුවත් පැතිරයාම හේතුවෙන් එරට තුල සමාජ මාධ්‍ය සීමා කිරීමක්ද සිදුකර ඇති බවයි වාර්තාවන්නේ.
ඉන්දීය මහ මැතිවරණයේ ප්‍රතිඵල නිකුත් කිරීම අද

ඉන්දීය මහ මැතිවරණයේ ප්‍රතිඵල නිකුත් කිරීම අද

තීරණාත්මක ඉන්දීය මහ මැතිවරණයේ ප්‍රතිඵල අද නිකුත් කෙරෙනවා. 17 වන ඉන්දීය ලෝක් සභාව සදහා සාමාජිකයන් තෝරා පත් කර ගැනීම සදහා මැතිවරණය ආරම්භ කළේ පසුගිය අප්‍රේල් 11 වනදායි. අදියර 7 කින් යුත් ඡන්ද ප්‍රකාශ කිරීම අවසන් වුණේ මැයි මස 19 වනදායි. ඡන්දය ප්‍රකාශ කිරීම සදහා මිලියන 900 ක ජනතාවක් සුදුසුකම් ලබා සිටි අතර මේ වන විට ඉලෙක්ට්‍රොනික් උපකරණ මගින් ඡන්ද ගණනය කර අවසන්ව ඇති අතර ඒවා තහවුරු කර ගැනීම සදහා තවත් උපකරණ භාවිත කරමින් හෙට දිනයේදී ඡන්ද ගණන් කිරීමට  නියමිතයි. එම උපකරණ කිහිපයක සිදු වූ දෝෂ හේතුවෙන් ඡන්ද ප්‍රතිඵල නිකුත් කිරීම පැය 5 ක හෝ 6 ක කාලයක් ප්‍රමාද විය හැකි බවයි ඉන්දීය මැතිවරණ කාර්යාලය පවසන්නේ. පාලක භාරතීය ජනතා පක්ෂයට මැතිවරණය ජයග්‍රහණය කිරීම සදහා වැඩි ඉඩකඩක් පවතින බවටයි දේශපාලන විචාරකයින් පවසන්නේ. එසේ වුවහොත් වර්තමාන ඉන්දීය අග්
ඔස්ට්‍රේලියානු මැතිවරණයෙන් ආණ්ඩුව ජය ගනී

ඔස්ට්‍රේලියානු මැතිවරණයෙන් ආණ්ඩුව ජය ගනී

ඊයේ (18/05) පැවති ඔස්ට්‍රේලියානු මහ මැතිවරණයෙන් බලයේ සිටි ලිබරල් සන්ධානය නැවතත් ජයග්‍රහණය කර තිබේ. ඒ අනුව නොකඩවා තුන්වරටත් ලිබරල් සන්ධානය ඔස්ට්‍රේලියානු පාර්ලිමේන්තුවේ බලය හිමි කරගැනීමට සමත්වී ඇති අතර Scott Morrison නැවතත් ඔස්ට්‍රේලියානු අග්‍රමාත්‍යවරයා ලෙස තේරී පත්විය. මෙතෙක් දිනා ඇති පාර්ලිමේන්තු ආසන මේ වන විට සමස්ත ඡන්ද ප්‍රමාණයෙන් 74.7% ක් ගණනය කර අවසන් බව වාර්තා වේ. ඒ අනුව මෙතෙක් ප්‍රකාශිත ප්‍රතිඵල වලට අනුව මෙවර ඔස්ට්‍රේලියානු පාර්ලිමේන්තුවේ ආසන 151 න් මේ වන විට ආසන 74 ක් දිනාගැනීමට ලිබරල් සන්ධානය සමත්වී ඇති අතර කම්කරු පක්ෂය පාර්ලිමේන්තු ආසන 66 ක් දිනා සිටී. ග්‍රීන්ස් පක්ෂය එක් පාර්ලිමේන්තු ආසනයක්ද ස්වාධීන අපේක්ෂකයින් පාර්ලිමේන්තු ආසන 5 ක්ද මේ වන විට දිනා සිටී. ඒ අනුව තවත් පාර්ලිමේන්තු ආසන 5 ක අවසන් ත
ඔස්ට්‍රේලියානුවාසීන්ගේ ලොකුම බය හෙළිවෙයි

ඔස්ට්‍රේලියානුවාසීන්ගේ ලොකුම බය හෙළිවෙයි

ඔස්ට්‍රේලියාවට ඇති විශාලතම තර්ජනය ලෙස දේශගුණික විපර්යාසය පත්ව ඇති බව නවතම මත විමසුමකින් හෙළිවී තිබේ. ඔස්ට්‍රේලියාවට තර්ජනයක් එල්ලවීමට වඩාත්ම ඉහළ සම්භාවිතාවක් ඇති තර්ජන පිළිබඳ සිදුකළ Lowy ආයතනයේ නවතම වාර්ෂික සමීක්ෂණයේදී මේ බව හෙළිවිය. Lowy ආයතනයේ නවතම වාර්ෂික සමීක්ෂණය සඳහා ඔස්ට්‍රේලියාවට තර්ජනයක් එල්ලවීමට වඩාත්ම ඉහළ සම්භාවිතාවක් ඇති තර්ජන 12 ක ලැයිස්තුවක් ඔස්ට්‍රේලියානුවාසීන්ට ලබාදී තිබේ. එහිදී වැඩිහිටියන්ගෙන් 64% ක්ම ඔස්ට්‍රේලියාවට ඇති විශාලතම තර්ජනය ලෙස දක්වා ඇත්තේ දේශගුණික විපර්යාසය බව සඳහන්. ලැයිස්තුවේ දෙවැනි ස්ථානයට පත්ව ඇත්තේ වෙනත් රටවලින් ඔස්ට්‍රේලියාවට එල්ලවිය හැකි සයිබර් ප්‍රහාර ය. ජාත්‍යන්තර ත්‍රස්තවාදය මෙම තර්ජන ලැයිස්තුවේ තුන්වන ස්ථානයට පත්වන විට උතුරු කොරියාවේ න්‍යෂ්ඨික වැඩසටහන එහි සිව්වන ස්ථානයට පත්ව ඇත
බ්‍රිතාන්‍ය රජ පවුලට අමුත්තෙක් එක්වෙයි

බ්‍රිතාන්‍ය රජ පවුලට අමුත්තෙක් එක්වෙයි

බ්‍රිතාන්‍යයේ සසෙක්ස් හි ආදිපදිවරිය වන මේගන් කුමරිය බ්‍රිතාන්‍ය වේලාවෙන් ඊයේ (06/05) අලුයම 5.26 ට පිරිමි දරුවෙකු හට උපත ලබා දී තිඛෙනවා. කිලෝග්රෑම් 3.2 ක් බරැති මෙම රාජකීය බිළිදා හට තවමත් නමක් තබා නොමැති අතර බිළිඳා සහ මව ඉතා යහපත් සෞඛ්‍ය තත්ත්වයෙන් සිටින බවයි බ්‍රිතාන්‍ය මාධ්‍ය වාර්තා කළේ. ඒ අනුව හැරී කුමරු හා මේගන් කුමරියට දාව අලුත උපන් මෙම බිළිඳා බ්‍රිතාන්‍ය රැජිණගේ 3 වන මී මුණුබුරා වනවා.
රුසියාවේ ගුවන් අනතුරකින් 41 ක් මරුට

රුසියාවේ ගුවන් අනතුරකින් 41 ක් මරුට

හදිසි ගොඩබැස්වීමකදී ඇතිවූ ගින්නක් හේතුවෙන් Aeroflot නැමති රුසියානු ගුවන් සේවයට අයත් මගී ගුවන් යානයක සිටි මගීන් 41 දෙනෙකු ජීවිතක්ෂයට පත්ව තිඛෙනවා. ඊයේ පස්වරුවේ මොස්කව් ගුවන් තොටුපොළට මෙම ගුවන් යානය හදිසියේ ගොඩබැස්වූ අවස්ථාවේදීයි මෙම අනතුර සිදුව තිබුණේ. ගුවන් යානයේ මගීන් 78 ක් සිට ඇති අතර ගින්නෙන් 41 දෙනෙකු ජීවිතක්ෂයට පත්ව ඇතැයි තහවුරු කර තිඛෙනවා. ඒ අතරට කුඩා දරුවන්ද ඇතුලත්. මෙම ගුවන් යානය නවතම එකක් වන අතර ගුවන්ගත කර විනාඩි 45කින් පසුවයි අනතුර සිදුව තිබුණේ.
අමෙරිකාව ගැහුවොත් ගහන්න / වෙනිසියුලා ජනපතිගෙන් හමුදාවට නියෝග

අමෙරිකාව ගැහුවොත් ගහන්න / වෙනිසියුලා ජනපතිගෙන් හමුදාවට නියෝග

අමෙරිකාවෙන් හදිසි ප්‍රහාරයක් එල්ලවිය හැකි බැවින් ප්‍රතිප්‍රහාර දැක්වීමට සූදානමින් සිටින්නැයි වෙනිසියුලා ජනපති නිකලොස් මධුරෝ එරට හමුදාවට නියෝග කර තිඛෙනවා. ඒ අමෙරිකානු ආරක්ෂක ලේකම්වරයා විසින් වෙනිසියුලාවේ මතුව ඇති නොසන්සුන් තත්ත්වයට මැදිහත්වීමට සූදානමින් සිටින බවට සිදුකළ ප්‍රකාශයෙන් පසුවයි. මේ වන විට වෙනිසියුලා ජනපතිට එරෙහිව හමුදා කැරැල්ලක් ක්‍රියාත්මක වන අතර හමුදාවේ බහුතරයක් ජනාධිපතිවරයාට සහාය දක්වමින් සිටිනවා. ඒ අනුව හදිසි ප්‍රහාරයකදී දැඩිව ප්‍රතිප්‍රහාර ලබාදීමට සූදානම්වන ලෙසයි මෙම නියෝගයෙන් දන්වා ඇත්තේ.
තායිලන්තයේ නව රජුට කිරුළ පළදවයි

තායිලන්තයේ නව රජුට කිරුළ පළදවයි

තායිලන්තයේ නව රජු වන මහා වජිරලොන්කෝන් හට නිල වශයෙන් ඔටුන්න පළදා තිඛෙනවා. ප්‍රංශ පුවත් සේවය වාර්තා කළේ අද පෙරවරුවේ එය චාරිත්‍රානුකූලව සිදුවූ බවයි. තායිලන්තයේ නව රජු 66 වන වියේ පසුවන අතර ඔහු රජකමට පත්වූයේ වසර 70ක් රජකම දැරූ සිය පියාගේ අභාවයෙන් වසර 2කට පසුවයි. මෙසේ ඔටුනු පැළදවීමේ උත්සවය බෞද්ධ හා හින්දු ආගමික චාරිත්‍ර අනුව සිදුකර ඇති අතර එහිදී පළදවන ලද සාම්ප්‍රදායික ඔටුන්න කිලෝ 7.3 ක බරකින් යුක්තයි.
අයි එස් ත්‍රස්තයන්ට ට්‍රම්ප්ගෙන් අනතුරු ඇගවීමක්

අයි එස් ත්‍රස්තයන්ට ට්‍රම්ප්ගෙන් අනතුරු ඇගවීමක්

අයි එස් ත්‍රස්තයන්ගේ අවසන් බලකොටුව අල්ලාගත් මෙහෙයුමේදී ත්‍රස්තවාදීන් 1800ක් අත්අඩංගුවට ගත් බව අමෙරිකානු ජනාධිපති ඩොනල්ඩ් ට්‍රම්ප් පවසනවා. ට්විටර් පණිවිඩයක් නිකුත් කරමින් ඔහු පවසන්නේ එම අනතුරුදායක සිරකරුවන්ට කළ යුත්තේ කවරක්දැයි තමන් මේ වන විට සිතමින් සිටින බවයි. අයි එස් ත්‍රස්ත නායකයා ඊයේ දිනයේදී සිදුකළ ප්‍රකාශයට තර්ජනාත්මක ප්‍රබල ප්‍රතිචාරයක් දක්වමින් ට්‍රම්ප් මහතා මෙම පණිවිඩය නිකුත් කර ඇති බවයි ජාත්‍යන්තර මාධ්‍ය පෙන්වා දෙන්නේ. යුරෝපා රටවල් අයි එස් විරෝධී මෙහෙයුමට දක්වන සහාය ප්‍රමාණවත් නොවන බවද තවත් ට්විටර් පණිවිඩයකින් අමෙරිකානු ජනාධිපතිවරයා පෙන්වා දෙනවා. ඒ අනුව තම රටවලට අයත් අයි එස් ත්‍රස්තයින් භාරගෙන ඔවුන්ට එම රටවලදී දඩුවම්දීමට යුරෝපයේ රටවල් කටයුතු නොකරන්නේ නම් එය යහපත් නොවන බවයි ඔහු සදහන් කරන්නේ.