හිරුණිකා ප්‍රේමචන්ද්‍ර මහත්මිය ඇතුළු කාන්තාවන් පිරිසක් ද සමග රෙහාන් ජයවික්‍රම හා තවත්ම දේශපාලන ක්‍රියාකාරීන් පිරිසක් කොළඹ කොටුව ජනාධිපති නිල නිවස ඉදිරිපිටදී අත්අඩංගුවට ගැනීම මගින් වර්තමාන ආණ්ඩුව ලොවටම ප්‍රදර්ශණය කර ඇත්තේ ජනතා හඬට මුහුණදීගත නොහැකිව පළකරමින් තිබෙන භීතියේ තරම බව සාධාරණ සමාජයක් සඳහා වන ජාතික ව්‍යාපාරය නිවේදනයක් නිකුත් කරමින් පවසයි.
එසේම ජනතාවගේ සැබෑ ප්‍රශ්ණ වෙනුවෙන් පෙනී සිටින්නන් කෙරෙහි ආණ්ඩුව දක්වමින් සිටින වෛරයේ ප්‍රමාණය ද ඒ තුළින් මැනවින් ප්‍රදර්ශනය කරන බවත් ශ්‍රී ලංකාව ප්‍රජාතන්ත්‍රවාදී අයිතිවාසිකම් සහ නිදහසට දක්වන අකමැත්ත ද ඉන් ප්‍රදර්ශනය කරන බව එම සාධාරණ සමාජයක් සඳහා වන ජාතික ව්‍යාපාරයේ සභාපති කරු ජයසූරිය මහතා නිකුත් කර ඇති නිවේදනයේ සඳහන් වේ.
සාධාරණ සමාජයක් සඳහා වන ජාතික ව්‍යාපාරය එම සිදුවීම තරයේ හෙළා දකින බවත් ජනතාව මුහුණ දී සිටින දැවැන්ත පීඩනය හමුවේ නිහඩව නොසිටින බව රජය තේරුම්ගත යුතු බවත් එම නිවේදනයෙන් වැඩි දුරටත් අවධාරණය කර තිබේ.