ඉන්දියාවේ ජම්මු ප්‍රදේශයේ ද්විත්ව බෝම්බ පිපිරීමක් වාර්තා වනවා.
ජම්මු ප්‍රදේශයේ නර්වාල් නගරයේ මෙම පිපිරීම සිදුව තිබෙනවා. ජම්මු දුම්රිය ස්ථානය අසළ ද්විත්ව මෝටර් රථ බෝම්බ පිපිරිමක් ලෙසයි මෙය වාර්තා වන්නේ. සිද්ධියෙන් පුද්ගලයන් 6 දෙනෙකු තුවාල ලබා තිබෙනවා. ජම්මු ප්‍රදේශයට කිලෝමීටර් හැටක් දුරින් රාහුල් ගාන්ධි මහතාගේ භාරත් ජෝඩෝ පාද යාත්‍රාව පැමිණෙමින් තිබෙනවා. එම සිද්ධිය පාදක කරගෙන කිසියම් සංවිධානයක් මෙම පිපිරීම් සිදුකර ඇති බවයි පොලීසිය සැක පළ කරන්නේ. පිපිරිම සඳහා වැඩිදියුණු කළ පුපුරණ ද්‍රව්‍ය භාවිත කර ඇති බව ආරක්ෂක අංශ සඳහන් කරනවා.