දිනක් තුල ලෝකයෙන් වාර්තා වූ වැඩිම කොරෝනා ආසාදිතයන් සංඛ්‍යාව ගතවූ පැය 24 තුල වාර්තා කර තිබෙනවා.
ඒ අනුව ලෝකයෙන් වාර්තා වූ නව ආසාදිතයන් ගණන විසිතුන් ලක්ෂ අනූ නව දහස් හයසිය තිස් තුනක් බවයි වාර්තා කළේ.
මෙහිදී අමෙරිකාවෙන් ආසාදිතයන් දස ලක්ෂ හය දහසක් වාර්තා වී තිබෙනවා.
එය දිනක් තුල රටකින් වාර්තා වූ වැඩිම ආසාදිතයන් සංඛ්‍යාවයි.
ඊට පෙර දිනයේ අමෙරිකාවෙන් ආසාදිතයන් 590,000 ක් වාර්තා වී තිබුණා.
මෙය ඔමික්‍රොන් ප්‍රභේදයේ ව්‍යාප්තිය සමග මතුවූ තත්ත්වයක් බවයි ජාත්‍යන්තර මාධ්‍ය පැවසුවේ.
කෙසේ වෙතත් කොරෝනා මරණ ප්‍රමාණය එරට තුල වාර්තාගත පහළ යාමක් පෙන්නුම් කර තිබෙනවා.
ඒ අනුව ගතවූ පැය 24 තුල වාර්තා වී තිබුණේ මරණ 1,691 ක් පමණයි.
කෙසේ වෙතත් ගතවූ දිනයේදී අමෙරිකාවේ කොරෝනා ආසාදිතයන් ලක්ෂයක් රෝහල් ගත කර තිබෙනවා.