අද (11) මධ්‍යම රාත්‍රී 12 සිට පොලීසියේ සියලූම නිලධාරීන්ගේ නිවාඩු අවලංගු කළ බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසීය.
අද පැවති මාධ්‍ය හමුවකට එක්වෙමින් ඒ මහතා වැඩිදුරටත් පවසා සිටියේ මැයි මස 31 වන දා දක්වා එය බලපැවැත්වෙන බවය.
කොවිඩ් -19 වෛරස ව්‍යාප්තිය වැළැක්වීමට රජය විසින් අද රාත්‍රීයේ සිට පළාත් අතර සංචරණ සිමා පනවා තිබේ.
ඒ සඳහා පොලිස් නිලධාරීන්ගේ සහය අත්‍යවශ්‍ය ව ඇති බැවින් එම තීරණය ගත් බව ද පොලිස් මාධ්‍ය ප්‍රකාශකවරයා පැවසීය.