හෙට (04) යෙදී තිබෙන මෙරට 73 වන නිදහස් දිනය වෙනුවෙන් ඉන්දීය අග්‍රාමාත්‍ය නරේන්ද්‍ර මෝදි මහතා ශ්‍රී ලංකාවට සුබ පැතුම් පල කර තිබෙනවා.
ඉන්දියාවේ ඉකොනොමික් ටයිම්ස් පුවත්පත වාර්තා කළේ කොළඹ පිහිටි ඉන්දීය මහ කොමසාරිස් කාර්යාලය විසින් , නිවේදනයක් නිකුත් කරමින් අග්‍රාමාත්‍ය මහින්ද රාජපක්ෂ වෙත මෙම සුබ පැතුම එක්කර ඇති බවයි.
දෙරට අතර වසර දහස් ගණනක් පුරා පවතින ආර්ථික , සමාජීය හා සංස්කෘතික සබඳතා ඉදිරියට ගෙනයාමට ඉන්දියාව කැපවී සිටින බවද නරේන්ද්‍ර මෝදි මහතා ප්‍රකාශ කර තිබෙනවා.
කොරෝනා වසංගතය මැඩලීම සඳහා ද දෙරට එක්ව අඛණ්ඩව ක්‍රියාත්මක වන අතරම දෙරටේ ජනතාවටම ප්‍රතිලාභ ලබාදෙන සබඳතා ශක්තිමත්ව ඉදිරියට ගෙනයාමට කැපවන බවයි අවධාරණය කර ඇත්තේ.